Şagirdlər “Atəşgah məbədi” Dövlət Tarixi Memarlıq Qoruğunu ziyarət etdilər
Məktəbin fəaliyyət planına uyğun olaraq 4 “B” sinif rəhbəri Fatma Qəfərovanın rəhbərliyi ilə şagirdlər “Atəşgah məbədi” Dövlət Tarixi Memarlıq Qoruğunu ziyarət etdilər. Məqsəd şagirdləri “Atəşgah məbədi” haqqında maarifləndirməkdən ibarət idi. Atəşgahın bələdcisi şagirdlərə bura barədə məlumat verərək qeyd etdi ki, Atəşgah Azərbaycan ərazisindəki Abşeron yarımadasında, Bakı şəhərindən 30 km aralıda, Suraxanı rayonundakı Suraxanı kəndi yaxınlığında yerləşən, müxtəlif dövrlərdə zərdüştilər, hinduistlər və siqhlər tərəfindən ibadətgah kimi istifadə edilmiş alov məbədidir. XVII-XVIII əsrlərdə təbii qaz çıxışı olan sönməz alovların yerində inşa edilmiş məbədin adı "Alov evi" və ya "Alov yeri" anlamı verir. Şagirdlər bu səyahətdən çox razı qaldılar.
