Şəhidlər unudulmazdır
Bakı şəhəri üzrə Təhsil idarəsinin 8 Sentyabr 2021-ci il tarixli F-191 nömrəli əmrinə və məktəbin fəaliyyət planına uyğun olaraq 1”B” sinif şagirdləri, valideynlər və sinif rəhbəri Əliyeva Mərziyyə Bül-bülə qəsəbəsində yerləşən “Şəhidlər Xiyabanı”nı ziyarət etdilər. Ziyarət zamanı şagirdlərin şəhid Səbuhi Əsədovun anası ilə görüşü təsirli anların yaşanmasına səbəb oldu. Şəhidin anası şagirdlərə oğlunun Vətənə sevgisindən, keçdiyi döyüş yollarından danışdı. Oğlunun ucaldığı şəhidlik zirvəsi ilə fəxr etdiyini bildirdi.
Ziyarətin məqsədi şagirdlərdə erkən yaşlarından vətənpərvərlik ruhunu oyatmaq, onlarda vətən sevgisini aşılayıb möhkəmləndirmək, şəhidlərin xatirəsini hər zaman əziz və uca tutmağa borclu olduqlarını xatırlatmaq idi. Şagirdlər vətənpərvərlik haqqında şeir söylədilər. Sinif rəhbəri, şagirdlər və valideynlər şəhidlərin məzarı önünə gül dəstələri qoydular.
