Aşıq Ələsgər - 200
Azərbaycan Respublikası təhsil nazirinin 26.07.2021 – ci il tarixli F – 372 nömrəli əmri ilə təsdiq olunmuş “Aşıq Ələsgərinm 200 illik yubileyinin qeyd edilməsi ilə bağlı Təhsil Nazirliyinin Tədbirlər Planı” nı icra etmək məqsədilə məktəbimizdə silsilə tədbirlər keçirilir. Dərs ilinin əvvəlindən etibarən şagirdləri ustad sənətkarın həyat və yaradıcılığı , Azərbaycan folkloru və xalq ədəbiyyatının mühüm hissəsi olan aşıq sənəti ilə tanış etmək , istedadlı şagirdləri üzə çıxırmaq , onların bədii- estetik səviyyəsini yüksəltmək və yaradıcılıq potensialını inkişaf etdirmək , yaradıcı məktəblilərə dəstək olmaq üçün ədəbiyyat müəllimləri müxtəlif siniflərdə əhatəli tədbirlərə start vermişlər
13.10.2021 – ci il tarixdə məktəbin direktoru Orucəliyev Səfa müəllimin rəhbərliyi ilə keçirilən yığcam iclasda “Aşıq Ələsgər və Azərnaycan folkloru” mövzusunda yaradıcılıq müsabiqəsinə hazırlıq məsələləri müzakirə olundu.
Azərbaycan dili – Ədəbiyyat fənn birləşməsinin sədri Zalova Kəminə ədəbiyyat müəllimləri arasında iş bölgüsü haqqında məlumat verdi. Fənn müəllimlərindən Ə.Əntiqə və N.Rahilə esse , məqalə, təqdimat müsabiqələrinin elan edildiyini bildirdilər. Şeir müsabiqəsinə hazırlıq məqsədilə ifadəli oxu , bədii qiraətin təşkili ilə bağlı əlavə işin həyata keçirildiyi vurğulandı. “Ədəbiyyat biliciləri” klubunun üzvləri ilə birlikdə Aşıq Ələsgərin yaradıcılığını əhatə edən stendin hazırlanması ilə bağlı məlumat verildi
