İlk dərs günü qeyd olundu
Məktəbdə 2021-2022-ci dərs ilinin ilk dərs günü qeyd olundu. Əyani, ənənəvi dərslərin başlaması şagirdləri, müəllimləri və valideynləri çox sevindirdi .Bu ilki dərs ili Təhsil Nazirliyinin 21.09.2021-ci il tarixli F-450 nömrəli əmrinə əsasən başladı. Tədbir Dövlət himninin səslənməsi ilə başladı. Məktəbin direktor əvəzi Səfa Orucəliyev balaca fidanları təbrik etdi. Birincilərə qalib ölkəmizin kamil, savadlı, vətənpərvər övladları olmağı arzuladı. Tədbirdə məktəbin məzunu, 44 günlük müharibənin qazisi Taleh Həsənov da iştirak etdi. Bu ilki dərs ilində ilk dərslər "Qarabağ Azərbaycandır" mövzusuna həsr olunacaqdır. Azərbaycan Respublikasının Ali Baş komandanı İlham Əliyevin qətiyyətli siyasəti, Milli ordumuzun qəhrəmanlığı, şəhidlərimiz, qazilərimiz haqqında məlumat verildi.
