"Mübariz Mübarizlik simvoludur" adlı tədbir keçirildi
Bu gün məktəbimizin 7 "A" 7 "C" sinif şagirdləri əlçatmaz əfsanəni xatırladan, əslində əsl qəhrəmanlıq, mübarizlik simvolu olan şəhid milli qəhrəman Mübarizin anım gününü qeyd etdilər.Tədbirin keçirilməsində məqsəd şagirdlərə təhsil, elm verməklə yanaşı, həm də onları bir vətəndaş kimi yetişdirmək, onlarda vətənə, torpağa sədaqət, lazım gələrsə, vətən yolunda şəhidliyə hazır olmaq ruhunu aşılamaqdır.
Tədbirdə məktəbin təlim-tərbiyə işləri üzrə direktor müavini Günel İsmayılova və Kəminə Zalova, UBR Mədinə İsgəndərova iştirak etdi. Zalova Kəminə müəllimə öz çıxışında qeyd etdi ki, Mübarizin keçdiyi 22 illik şərəfli ömür yolu gələcək nəsillərə nümunədir.
UBR Mədinə İsgəndərova çıxış edərək bildirdi ki, şəhidlər xalqın kimliyini, mənliyini qoruyub işıqlı sabahımıza boylanan, azadlığa, yüksəlişə, ucalığa can atan könül dünyamızdır.
Tədbirdə şagirdlərə “Mübariz Mübarizlik simvoludur” adlı videoçarx nümayiş etdilər.
