“Nizami dünyası adlı” intellektual müsabiqənin ilk mərhələsi keçirildi
Bakı şəhəri üzrə Təhsil İdarəsinin 12.03.2021 – ci il tarixli F -56 nömrəli əmri ilə təsdiq edilmiş “Dahi Azərbaycan şairi və mütəfəkkiri Nizami Gəncəvinin 880 illik yubileyinin keçirilməsi ilə bağlı Tədbirlər Planı”ın 6 – cı bəndinin icrasını təmin etmək məqsədilə 5.05.2021 -ci il tarixdə məktəbimizdə “Nizami dünyası” adlı intellektual müsabiqənin ilk mərhələsi keçirildi. İlk öncə müsabiqənin şərtləri şagirdlərə izah olundu. IX – XI sinif şagirdlərini əhatə edən müsabiqə 3 raundda təşkil edilmişdi. Şagirdlərə təqdim olunan suallar Nizami Gəncəvinin həyatı, “Xəmsə” də ifadə olunan əsas ideyalar , şairin əsərlərindəki məşhur obrazlar , şairin qəzəlləri və ona məxsus müdrik kəlamlar , eyni zamanda görkəmli şəxsiyyətlərin Nizami haqqında fikirlərini əhatə edirdi. 14 şagirdin iştirak etdiyi intellektual yarışda məktəbin 11 – ci sinif şagirdləri daha üstün nəticələr əldə etdilər. Məktəbin ədəbiyyat müəllimləri M.Eldarın , Z. Kəminənin və M. Rahilənin münsifliyi ilə 11 "A" sinif şagirdi Əliyeva Aidə I yerə , Bədirli Fatimə və Qədimaliyeva Dilarə II yerə layiq görüldülər. Müsabiqənin şərtlərinə uyğun olaraq Ə. Aidə ikinci mərhələdə iştirak hüququ qazandı. Sonda məktəbin direktoru Orucəliyev Səfa müəllim qalibi və fərqlənən şagirdləri təbrik etdi , Nizami irsinin öyrənilməsi və təbliğinin son dərəcə önəmli olduğunu vurğuladı.
