"Heydər Əliyev müstəqil Azərbaycanın qurucusudur"
Məktəbin fəaliyyət planına uyğun olaraq 8 «B” sinfində "Heydər Əliyev müstəqil Azərbaycanın qurucusudur" adlı tədbir keçirildi. Məqsəd Ulu öndərin Azərbaycan tarixi üçün xidmətlərinə bir daha nəzər salmaq idi. Tarix müəllimi Zərxanım Zülfüqarova fenomen haqqında müəyyən məlumatlar verdikdən sonra sözü şagirdlərə verdi. Şagirdlərdən Turan Poladlı Ulu öndərə həsr olunmuş slayd nümayiş etdirdi. Orada H.Əliyevin uşaqlıq , gənclik illəri , ailəsi , nəvələri, müxtəlif dövrlərdəki fəaliyyəti öz əksini tapmışdır. Sonra şagirdlərdən Rzaxan " Əsrin müqaviləsi" adlı təqdimla çıxış edib, bu müqavilənin Azərbaycan tarixi üçün faydası haqqında məlumat verdi. Rəvan isə Ulu öndərin" Ordu quruculuğu" barədə göstərdiyi fəaliyyəti haqqında müəyyən məlumatları şagirdlərin nəzərinə çatdırdı. Tədbirə məktəbin direktoru Səfa Orucəliyev, direktor müavini Günel İsmayılova da iştirak etdi.
