“Hikmət xəzinəsi” adlı tədbir keçirildi.
Azərbaycan Respublikası Təhsil nazirinin “ Dahi Azərbaycan şairi və mütəfəkkiri Nizami Gəncəvinin 880 illik yubileyinin keçirilməsi ilə “ bağlı Təhsil Nazirliyinin Tədbirlər Planının təsdiq edilməsi barədə” 09.03.2021-ci il tarixli F-74 nömrəli əmrinin iceasını təmin etmək məqsədilə məktəbimizdə “Hikmət xəzinəsi” adlı tədbir keçirildi.
8 “A” sinif şagirdləri sinif rəhbəri Zalova Kəminənin rəhbərliyi altında Nizami Gəncəvinin “Sultan Səncər və qarı” , “Zalım şahla zahidin dastanı” və başqa əsərlərini səhnələşdirmiş variantda təqdim etdilər. Şagirdlər tərəfindən təqdim olunan lirik və epik parçalar ətrafında maraqlı təhlil və müzakirə təşkil olundu.
Tədbirdə Uşaq birliyi rəhbəri Mədinə İsgəndərova, kitabxanaçı Aytən Məmmədova və Azərbaycan dili və ədəbiyyatı müəllimi Rahilə Novruzlu iştirak etdi.
Sonda məktəb direktoru Səfa Orucəliyev müəllim və şagirdləri təbrik etdi.
Tədbirdə pandemiya şərtlərinə əməl olundu.
