Məktəbin şagirdləri "FAB Boya"da
Noyabrın 23-də məktəbin 5 "A" sinif şagirdləri və bir qrup valideyn sinif rəhbəri Gülnar Cəfərzadənin rəhbərliyi altında "FAB Boya və Kimya Sənayesi” MMC-də ekskursiyada oldular. Gəzinti zamanı məktəblilər istehsalat prosesi ilə tanış edildilər. Onlara məhsul çeşidləri, tətbiq edilən müasir texnologiya və avadanlıqlar, keyfiyyətə nəzarət laboratoriyalarında görülən işlərlə bağlı ətraflı məlumatlar verildi. Daha sonra FAB Akademiyasının konfrans zalında "FAB Boya”nın fəaliyyəti haqqında hazırlanan videomaterial nümayiş etdirildi. Şagirdlərin sualları cavablandırıldı.
Sonda "FAB Boya” adından şagirdlərə hədiyyələr təqdim edildi.
