Novruz bayramı münasibətilə tədbir keçirildi
Novruz yeni gün, yeni həyat deməkdir. Təbiətin oyanması Novruzdan başlanır və Azərbaycan xalqı bunu çox təntənəli şəkildə qeyd edir. Bu bayram ənənələrlə zəngindir. Novruzda xalqa, elə, obaya səadət, bolluq, bərəkət gətirən arzular səslənir, bir sıra mərasimlər keçirilir. Bayram adət-ənənəsini əks etdirən bugünki tədbirimiz də məhz baharın gəlişinə, Novruza həsr olunmuşdur.Məktəbin həyətində keçirilən tədbirdə şagirdlər xalq yaradıcılığı nümunələrindən parçalar ifa etdi, səhnəciklər göstərdilər. Bahara həsr olunmuş şeir və mahnılar tədbirə gələnlər tərəfindən alqışla qarşılandı. Milli geyimli qızlar və oğlanlar yumurta döyüşdürdülər, rəqs etdilər, “kosa-kosa” məzəli oyununu ifa etdilər. Məktəbin direktoru V. Babayev, direktor müavini X. Ömərova və “Məktəblilərin dostu” layihəsinin nümayəndələri çıxış edərək xalqımızın bu gözəl bayramı münasibətilə hamını təbrik etdilər.
