“Qanlı yanvar” adlı tədbir keçirildi
Azərbaycan xalqının tarixinə Qanlı Yanvar faciəsi kimi daxil olmuş 1990-cı il 20 Yanvar hadisələrindən 27 il keçir. Tariximizin qan yaddaşına o faciəli, lakin şərəfli tarixi günlə bağlı məktəbin akt zalında məktəb, şagird kollektivinin iştirakı ilə 19 yanvarda “Qanlı yanvar” adlı tədbir keçirildi. Tədbiri giriş sözü ilə məktəbin direktoru V. Babyev açdı. 20 Yanvar hər bir azərbaycanlının qəlbinə həkk olunan qəhrəmanlıq tarixidir. Bu tarix heç vaxt unudulmayacaq deyərək, o dövrkü tarixi-içtimai hadisələr, azadlıq mübarizəsinə qalxmış oğul-qızlarımızın Vətən sevgisi, əzmkarlıq və qorxmazlığı barədə şagirdlərə məlumat verdi. Şəhid olmuş, lakin ölümüylə ölümsüzlüyə qovuşan, həmvətənlərimizə həsr olunmuş videoçarx izlənildi. İbtidai və yuxarı sinif şagirdləri onların qəhrəmanlığını vəsf edən şeirlər söylədilər, mahnılar ifa etdilər.
