Məktəbin Şəhid məzunu Elçin Həsənlinin xatirə lövhəsinin açılışı
31 oktyabr tarixdə 44 günlük Vətən müharibəsində qəhrəmancasına vuruşaraq həlak olmuş məktəbin məzunu Elçin Həsənlinin xatirə lövhəsinin açılış mərasimi keçirildi . 2- ci Qarabağ müharibəsində peşəsindən asılı olmayaraq, hər kəs kimi Elçin Hısənli də müsəlləh əsgər oldu. Özünün də arzuladığı kimi şəhidlik zirvəsinə ucalan 27 yaşlı Elçin cəbhənin Füzuli, Cəbrayıl, Qubadlı istiqamətində ağır döyüşlərdə qəhrəmanlıq göstərir. Düşmənlə sonuncu dəfə Şuşa şəhərində döyüşə girən Elçin 8 Noyabrda qəhrəmancasına həlak olur.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin Sərəncamına əsasən Elçin Həsənli ölümündən sonra "Vətən uğrunda" , “Cəsur döyüşçü" və “Şuşanın azad olunmasına görə" medalları ilə təltif edilmişdir.
Tədbirdə şəhidin ailə üzvləri, döyüş yoldaşları , Millət vəkili Məlahət İbrahimqızı, Bakı Şəhəri üzrə Təhsil İdarəsinin müavini Hüseyn Əsgərov, Nəsimi Rayon İcra Hakimiyyətinin müavini Gülarə Verdiyeva və digər qonaqlar iştirak etdilər. Şəhidin anası Xatirə xanım , cəbhə yoldaşları Elçin Həsənlinin şərəfli döyüş yolundan danışaraq ürək sözlərini bildirdilər. Tədbir məktəb şagirdlərinin ədəbi- bədii kompozisiyası ilə başa çatdı.
