İlk dərs günü
15.09.2022ci il tarixdə məktəbdə ilk dərs günü ilə bağlı tədbir keçirilmişdir. Azərbaycan Respublikası Dövlət himninin səsləndirilməsi ilə başlayan tədbirdə vətən uğrunda canlarını qurban vermiş şəhidlərin əziz xatirəsi bir dəqiqəlik sükutla yad edilib. Məktəbin direktoru Həcər Mahmudova çıxış edərək, məktəbə yeni qədəm qoyan şagirdlərə uğur və müvəffəqiyyət arzu etdi. Bildirdi ki, ümumi təhsil müəssisələrində ilk dərslərin "Qarabağ Azərbaycandır! " mövzusuna həsr olunması şagirdlərin tədris ilinə daha böyük ruh yüksəkliyi ilə başlamasına şərait yaradır. Tədbirdə məktəbin məzunları olmuş qazilərimiz də şagirdlərimizə yeni tədris ilində uğurlar arzu etdilər.
