“Nəsiminin şeir dünyası” adlı bədii qiraət müsabiqəsi keçirildi
Dahi söz ustadı İmadəddin Nəsiminin 650 illik yubileyi çərçivəsində məktəbdə təşkil olunan silsilə tədbirlərin davamı olaraq dekabrın 3-də Azərbaycan dili fənn müəllimi Kəmalə Əzimzadənin rus bölməsi üzrə dərs dediyi şagirdlərin iştirakı ilə “Nəsiminin şeir dünyası” adlı bədii qiraət müsabiqəsi keçirildi. 4-11-ci sinifləri əhatə edən müsabiqədə ümumilikdə 40 nəfər şagird iştirak edirdi. Onlar görkəmli şairin qəzəllərini böyük həvəs və xüsusi məharətlə ifa etdilər.
Sonda söz məktəbin müəllim və valideynlərindən təşkil olunmuş münsiflər heyətinə verildi. Məktəbin direktoru Həcər Mahmudova bütün şagirdlərin bacarığını yüksək qiymətləndirərək şagirdlərə, eləcə də müsabiqənin təşkilində əməyi keçən müəllim və valideyinlərə xüsusi təşəkkür etdi.
Müsabiqədə iştirak edən şagirdlərin hər biri məsuliyyətli və hazırlıqlı çıxış etdiklərinə görə qalibi seçmək o qədər də asan olmadı. Münsiflər heyətinin obyektiv rəyi əsasında qaliblər müəyyən olundu. Münsiflər heyətinin, şagirdlərin və valideyinlərin yekdil səsverməsi ilə 8 “D” sinif şagirdi Bağırova Ləman "Yaxşıların yaxşısı" elan edilərək müsabiqənin xüsusi mükafatına layiq görüldü.
Sonda şagirdlərə müsabiqədə göstərdikləri fəallığa görə tərifnamələr təqdim edildi.
