Şagirdlərimiz Ulu öndər Heydər Əliyevin anım günü ilə əlaqədar Yasamal rayon Heydər Əliyev Mərkəzində
Dekabrın 12-də Ulu öndər Heydər Əliyevin anım günü münasibəti ilə əlaqədar olaraq Yasamal rayonu Heydər Əliyev Mərkəzində tədbir keçirilib. Məktəbimizin bir qrup şagirdi də həmin tədbirdə iştirak edib. Tədbirdə həmçinin Cəfər Cabbarlı adına Respublika Gənclər Kitabxanasının əməkdaşları da iştirak etmişdir. Əvvəlcə qonaqlar Ulu öndərin büstünü ziyarət edərək önünə gül dəstələri qoyub əziz xatirəsini yad etdilər. Foyedə mərkəzin baş fond mühafizi Azər Zeynalzadə qonaqları salamladı və Heydər Əliyevin həyat və fəaliyyəti, keçdiyi ömür yolu haqqında ətraflı məlumat verdi. Cəfər Cabbarlı adına Respublika Gənclər Kitabxanasının direktor müavini Xalidə Musayeva Ulu öndərin Azərbaycan xalqı üçün gördüyü işlərdən danışdı. Sonda məktəblilərimizin ifasında şeirlər və mahnılar səsləndirildi.
