Ingilis dili gecəsi
Aprelin 20-də məktəbdə "The United Kingdom of Great Britain" mövzusunda ingilis dili gecəsi keçirilib. Tədbir ingilis dili müəllimləri Məlahət Məmmədova və Kəmalə Soltanovanın təşkilatçılığı ilə V-X sinif şagirdlərinin iştirakı ilə keçirilib. Azərbaycanın və Böyük Britaniyanın Dövlət Himnləri səsləndirilib. Məktəbin direktoru Rəna Ağazadə iştirakçılara tədbirin mahiyyəti barədə məlumat verərək bildirib ki, məktəbdə keçirilən fənn həftələri şagirdlər üçün çox əhəmiyyətlidir. Bu həftə də "İngilis dili həftəsi" çərçivəsində keçirilən tədbirlərimiz yekunlaşır. Bu məqsədlə siniflərdə ingilis dili müəllimlərinin açıq dərsləri keçirilib. Məktəbin ingilis dili müəllimləri Sevda Əkbərova və Təranə Həmidovanın təşəbbüsü ilə ingilis dilindən krossvordlar təşkil edilib.
Tədbirdə şagirdlər ingilis dilində sərbəst danışıblar, şeirlər söyləyib, səhnəciklər göstəriblər.
