Məktəbdə Kiçik Akademiya fəaliyyətinin gücləndirilməsi
Ümumi təhsil müəssisələrində “Kiçik Akademiya”ların fəaliyyətinin genişləndirilməsi ilə bağlı BŞTİ nin müvafiq əmrinin icrası məqsədiylə tədbir keçirilib. “Kiçik Akademiya”ların təşkil olunmasında əsas məqsəd yaradıcılıq və elmi-tədqiqat işlərinə maraq göstərən, bu sahədə potensial imkanları ilə fərqlənən istedadlı uşaq və gənclərlə aparılan işlərin gücləndirilməsi, yeni fəaliyyət mexanizmlərinin yaradılmasına köməklik göstərilməsi və şagirdlərdə tədqiqatçılıq qabiliyyətinin formalaşması ilə bağlı tədbirlərin sistemli həyata keçirilməsindən ibarətdir. Bununla əlaqədar olaraq məktəbin texnologiya, təsviri incəsənət və musiqi fənləri üzrə tədqiqat işləri təqdim olunmuşdur. Şagirdlər hazırladıqları müxtəlif mövzular üzrə videotəqdimatlarla şıxış etmişlər.
