Məktəbimizdə "Yay məktəbi"nə start verilib
İyunun 16-dan etibarən məktəbimizdə "Yay məktəbi"nə start verilib. “Yay məktəbi”ndə məktəbimizin I-X sinif şagirdləri ödənişsiz və könüllü əsaslarla iştirak edib. I-IV siniflərdə tədris həftədə 5 dəfə gündəlik 4 saat olmaqla, V-X siniflərdə isə həftədə 5 dəfə gündəlik 3-4 saat olmaqla təşkil olunub. “Yay məktəbi” şagirdlərin zəruri bilik və bacarıqlarının möhkəmləndirilməsi, öyrənilənlərin ümumiləşdirilməsi məqsədilə təşkil edilib və bu çərçivədə dərslər iyunun 16-dan 30-dək davam edəcək.
