21 №-li tam orta məktəb

     İmtahanqabağı stress, depressiyalar, yorğunluq bu dövrdə buraxılış siniflərində oxuyan şagirdlərin üzləşdiyi əsas problemlərdəndir. Statistikaya görə, abituriyentlərin 96 faizi imtahan zamanı stress altında olur və bu stress hətta yetərincə biliyi olanların belə yaxşı nəticə göstərmələrinin qarşısını alır. İmtahan öncəsi abituriyentlərin əsasən "görəsən, qəbul ola biləcəyəmmi", "valideynlərimə nə deyəcəyəm", "qohumlar haqqımda nə fikirləşəcək" kimi suallar ətrafında düşünməyə başlayırlar. İmtahan günləri yaxınlaşdıqca valideynlər də stress keçirməkdə övladlarından geri qalmırlar və onların gərginliyi imtahana hazırlaşan abituriyenti daha da həyəcanlandırır. Bəs bütün bu problemlərlə baş etmək üçün iyunun 8-də məktəbin psixoloqu Gülnar Həmidova buraxılış sinif şagirdlərinin valideynləri ilə onlayn görüş təşkil etmişdir.