II Qarabağ müharibəsi zamanı rəşadətli Azərbaycan ordusunun qazandığı uğurlar
Martın 10-da məktəbin 7"D" sinfində müzəffər Azərbaycan ordusunun Qarabağ müharibəsindəki şanlı qələbəsinə həsr olunan təşkilat saatı keçirilib. Vətən müharibəsində şəhid olan hərbçilərimizin xatirəsi bir dəqiqəlik sükutla yad edilib. Sinif rəhbəri şagirdlərə məruzə edərək bildirib ki, müzəffər Ali Baş Komandanın rəhbərliyi ilə rəşadətli Azərbaycan ordusunun sentyabrın 27-dən başlayan əks hücum əməliyyatı 44 gün ərzində 30 ilin həsrətinə son qoyub, haqq savaşımız bizim böyük zəfərimizlə başa çatıb və işğal altında qalan torpaqlarımız əsl sahibinə qayıdıb. Bu tarixi qələbə istər ölkə vətəndaşları, istərsə də xaricdə yaşayan soydaşlarımız tərəfindən böyük sevinclə qarşılanıb, möhtəşəm qələbə günü böyük sevinc və fəxarətlə qeyd olunub.
