Yeniyetmələrin sirləri
Aprelin 24-də psixoloq Röya Qəhrəmanova və məktəbin tibb bacısı Könül Rüstəmov tərəfindən IX sinif qızları arasında sağlam həyat tərzi və reproduktiv sağlamlıq proqramı çərçivəsində "Yeniyetmələrin sirləri" mövzusunda nümunəvi məşğələ keçirilib. Məşğələ zamanı şagirdlərə qızlarda cinsi yetkinlik dövründə baş verən anatomik va fizioloji dəyişikliklər, şəxsi gigiyena vərdişlərinin inkişaf etdirilməsi barədə məlumat verilib. Yeniyetməlik dövründə orqanizmdə baş verən dəyişikliklər zamanı psixoloji durumun tez-tez dəyişməsinin normal hal olduğu qeyd edilib. Mövzu ilə əlaqədar videoslayd nümayiş olunub. Məşğələnin sonunda şagirdlərin fikirləri dinlənilib və onları maraqlandıran suallar cavablandırılıb.
