Erkən nigaha birgə yox deyək
Aprelin 9-da şagirdləri erkən nikahın psixoloji, sosial, iqtisadi və hüquqi aspektləri barədə məlumatlandırmaq məqsədilə məktəbin psixoloqu Röya Qəhrəmanova tərəfindən VIII sinif şagirdləri arasında “Erkən nigaha birgə yox deyək” mövzusunda maarifləndirici məşğələ keçirilib. Məşgələ zamanı psixoloq erkən nikahın fərdin psixi mənəvi və bioloji cəhətdən inkişafına təsir edən, təhsildən yayındıran, sosiallaşmasına mane olan önəmli faktor olduğunu vurğulayaraq, erkən və qeyri-rəsmi nikahların törətdiyi hüquqi problemlər, tibbi fəsadları və digər bu kimi mənfi hallar barədə şagirdləri ətraflı məlumatlandırıb. Mövzunu ilə əlaqədar fikir mübadiləsi aparılıb və videoçarx nümayiş olunub.
