20 Yanvar faciəsinə həsr olunan xüsusi dərslər
Yanvarın 17-də Azərbaycan xalqının tarixinə Qanlı Yanvar faciəsi kimi daxil olan 20 Yanvar hadisələrinin 35-ci il dönümü ilə əlaqədar şagirdlərdə Vətənə məhəbbət hissinin daha da möhkəmləndirilməsi, onların layiqli vətəndaş kimi yetişdirilməsi məqsədilə məktəbdə xüsusi dərslər keçirilib. Dərslərdə şagirdlər o qanlı gecədə gözünü qırpmadan, əliyalın düşmənin önünə atılan şəhidlərin əziz xatirəsini əbədiləşdirən rəsmlər, şeirlərlə öz təəssüratlarını bölüşüb və həmin müdhiş gecədə həlak olan vətən oğullarının Azərbaycanın tarixinə parlaq səhifə yazdıqları, xalqın milli azadlığı, müstəqilliyi yolunda göstərdikləri qəhrəmanlıqlarından danışılıb.
