"Gigiyena və düzgün qidalanma sağlamlığın əsasıdır" mövzusunda maarifləndirici məşğələ
Dekabrın 4-də məktəbin psixoloqu Röya Qəhrəmanova VIII sinif şagirdləri ilə "Reproduktiv sağlamlıq” proqramı çərçivəsində “Gigiyena və düzgün qidalanma sağlamlığın əsasıdır” adlı maarifləndirici məşğələ keçirib. Psixoloq şagirdlərə gigiyena qaydalarına düzgün əməl etməyin insan sağlamlığı üçün əhəmiyyətindən və düzgün qidalanmanın sağlamlığın əsası olduğunu vurğulayıb. Sonda şagirdlər “Dermatoloq”, “Dietoloq”, "Stomatoloq” və "Terapevt” adlı qruplara bölünərək ”Gigiyena və ümumi gigiyena qaydaları” və "Ətraf mühitin insan sağlamlığına təsiri” mövzularında müzakirələr aparıb və təqdimatlar hazırlayıblar.
