Açıq havada COP 29 çərçivəsində keçirilən dərslər
Sentyabrın 19-da Aytən Məmmədova şagirdlərin ekoloji dünya görüşünün, təbiətə münasibətdə əxlaqi yanaşma mövqeyinin, ekoloji yönümlü fəaliyyətə cəlb edilməsi məqsədilə VIII sinif şagirdləri ilə açıq havada “Yaşıl dünyanı tanıyaq” mövzusunda maarifləndirici dərs keçirib. O, bildirib ki, dünyanın ən böyük və mühüm dövlətlərarası tədbirlərindən biri olan COP-29 bu il Azərbaycanda keçiriləcək. Əsas məqsəd qıbul etdiyimiz havanın, içdiyimiz suyun, yediyimiz qidaların gündən-günə keyfiyyətini itirməsi və yaxud geninin dəyişdirilməsi, ətrafa atılan tullantıların, zəhərli maddələrin yaratdığı fəsadların insanlığa qarşı təhlükəli təhdid yaratdığını şagirdlərə bir daha başa salmaq və bütün bu bəlalara qarşı beynəlxalq güclərin birləşdiyini, dünyanın yeni düzəninin qurulması üçün görülən işləri izah etməkdən ibarət olub.
