Psixointellektual breyn-rinq oyunu
Aprelin 30-da məktəblilər arasında xüsusi hallarla bağlı məsələlərə və həssas qruplarla işə diqqəti artırmaq, müvafiq qrupa daxil olma ehtimalı olan şagirdlərin istedad və qabiliyyətini, dünyagörüşünü, intellektual səviyyəsini, müzakirə, təhliletmə, nitq, özünü təqdimetmə, kollektivi təmsiletmə bacarıqlarını inkişaf etdirməkdən məqsədilə məktəbin psixoloqu Röya Qəhrəmanova tərəfindən psixointellektual breyn-rinq oyunu keçirilib. Oyunda VIII sinif şagirdlərindən ibarət “Fantaziya”, “Duyğu” və “Optimist” komandaları iştirak ediblər. Komandalar müəyyən vaxt ərzində onlara verilən sualları cavablandırıblar. Oyunda qalib gələn “Optimist” komandasına diplom təqdim olunub.
