21 fevral Beynəlxalq Ana Dili Gününə həsr olunan sinif təşkilat saatı
Fevralın 21-i "Ana dilimizi qoruyaq və sevək" başlığı altında sinif təşkilat saatları keçirilib. Dərslərdə şagirdlərə “Beynəlxalq Ana dili günü” haqqında ətraflı məlumat verilib. Şagirdlər ana dilinə həsr olunan şeirlər söyləyib, rəsmlər çəkib, təqdimatlar nümayiş etdiriblər. Beynəlxalq Ana Dili Gününün qeyd edilməsinin əsas məqsədi Azərbaycan dilinin tarixi inkişaf mərhələləri, rəngarəngliyi barədə şagirdlərə dolğun məlumat vermək, doğma dilimizin saflığının qorunaraq gələcək nəsillərə olduğu kimi ötürülməsinə nail olmaq, gələcəyimiz olan uşaqlara dilimizə sevgi və hörmət hissini aşılamaqdan ibarətdir.
