Ümummilli Lider Heydər Əliyevin Anım Gününə həsr olunan dəyirmi masa
12.12.2023-cü il tarixində sinifdənxaric və məktəbdənkənar tərbiyə işləri üzrə təşkilatçı Sevda Rəhimova və kitabxana müdiri Ülviyyə Nitəliyeva tərəfindən Ulu öndər Heydər Əliyevin Anım Günü ilə əlaqədar tədbir keçirilib. Tədbirdə məktəbin direktoru Elnur Bayramov, təlim - tərbiyə işləri üzrə direktor müavini Türkel Abdıyeva, UBR Zülfünaz Abasova, psixoloq Röya Qəhrəmanova, tarix müəllimi Şəfəq Abdıyeva və təhsilalanlar iştirak edib. İlk olaraq Azərbaycan Respublikasının Dövlət Himni səsləndirilib və Ulu Öndərin əziz xatirəsi bir dəqiqəlik sükutla yad edilib. Sonra Ümummilli İider, müstəqil Azərbaycan dövlətinin qurucusu, görkəmli siyasi və dövlət xadimi Heydər Əliyevin uğurlu siyasəti və şərəfli ömür yoluna həsr olunan video-çarx nümayiş etdirilib. Daha sonra çıxış üçün söz məktəbin direktoru Elnur Bayramova verilib. O, öz nitqində Azərbaycan xalqının yeni əsrə və yeni minilliyə məhz Heydər Əliyevin zəkasının işığında qədəm qoyduğunu vurğulayıb. Təhsilalanlar Ulu Öndərin əziz xatirəsinə həsr olunan mahnılar ifa edib, şeirlər və müdrik kəlamlar söyləyib.
