Açıq qapı günü təşkil olunub
Məktəb-liseydə valideynlərlə əməkdaşlığın gücləndirilməsi və şəffaflığın təmin olunması məqsədilə Açıq Qapı Günü təşkil olunub. Valideynlər övladlarının yarımillik və illik qiymətləri ilə tanış olmaq imkanı qazanıblar.
Görüş zamanı müəllimlərlə valideynlər arasında fərdi söhbətlər aparılıb, şagirdlərin təlim nailiyyətləri, dərsə davamiyyəti və davranış göstəriciləri ətrafında fikir mübadiləsi aparılıb. Valideynlər məktəbdə tədris prosesinin təşkili ilə bağlı fikirlərini bölüşüb, müəllimlərə təşəkkürlərini bildiriblər.
