166 №-li məktəb-lisey

          166 nömrəli məktəb-liseyin şagirdləri Əlpaşayev Aqil, Abdullazadə İsmayıl, Babayev Məmmədəli, Nağıyev Abdulla Gənclər Gününə həsr olunmuş “Breyn-rinq” intellektual oyununda I yer tutduqlarına görə diplom və medallarla təltif edilib. 

            Məktəb-liseyin tarix müəllimləri və 8-ci sinif şagirdlərinin iştirakı ilə "20 Yanvar- mübarizliyin, əyilməzliyin və məğrurluğun nümayişi" mövzusunda dəyirmi masa keçirilib. Tədbirdə ilk olaraq 20 yanvar şəhidlərinin xatirəsi 1 dəqiqəlik sükutla anılıb. Müəllimlər, şagirdlər qan yaddaşımız və qürur mənbəyimiz olan bu tarixlə bağlı məlumatlar verib. Şagirdlər şəhidlərimizin xatirəsinə həsr olunmuş şeirlər səsləndirib, çıxışları zamanı 20 Yanvar gecəsinin Azərbaycan xalqının mərdlik, qəhrəmanlıq və şəhidlik zirvəsinə qalxmasının əyani nümayişi olduğunu vurğulayıblar. 20 Yanvar şəhidlərinin Azərbaycan tarixinə parlaq səhifələr yazaraq xalqın milli azadlığı naminə öz canlarını qurban verməsini qürurla qeyd ediblər. 

        Məktəb-liseydə 20 Yanvara həsr olunan silsilə tədbirlər keçirilib. Şəhidlərin xatirəsinin bir dəqiqəlik sükutla yad edilməsi ilə başlayan tədbirlərdə tarixə qəhrəmanlıq səhifəsi kimi daxil olmuş 1990-cı ilin 20 Yanvar hadisələri barədə geniş söhbət açılıb. Qeyd olunub ki, 20 Yanvar hadisələri xalqımızın mübarizliyini, əyilməzliyini, məğrurluğunu təcəssüm etdirir. Azərbaycan xalqının tarixinə unudulmaz qəhrəmanlıq səhifəsi kimi yazılan 20 Yanvar faciəsinin təkcə ildönümlərində yox, hər zaman xatırlanması şagirdlərə tövsiyə edilib. Şagirdlər 20 Yanvara həsr edilmiş şeirlər, bayatılar söyləyib, ədəbi-bədii kompozisiyalar nümayiş etdiriblər.

          Məktəb-liseydə ilk dərslər 20 Yanvar Ümumxalq Hüzn Gününə həsr edilib. "20 Yanvar faciəsinin otuz üçüncü ildönümü ilə bağlı Təhsil Nazirliyinin Tədbirlər Planı”na əsasən tədris olunan dərslər şagirdlərdə Vətənə məhəbbət hissinin daha da möhkəmləndirilməsi, onların layiqli vətəndaş kimi yetişdirilməsinə, həqiqi vətənpərvərlik məzmununun onlara düzgün anladılması məqsədlərinə xidmət edib. Dərslərdə ilk olaraq xalqımızın azadlığı uğrunda canlarını qurban vermiş qəhrəman Vətən övladlarının xatirəsi bir dəqiqəlik sükutla yad edilib. Xalqımızın qəhrəmanlıq tarixi və mübarizə ruhu barədə şagirdlərin fikirləri dinlənilib, “Hər kəs Vətən qarşısındakı borcunu yerinə yetirmək üçün nə etməlidir?” mövzusunda fikir mübadiləsi aparılıb.

Bakı Şəhəri üzrə Təhsil İdarəsinin (BŞTİ) tabeliyində fəaliyyət göstərən təhsil müəssisələrində 20 Yanvara həsr olunmuş tədbirlər keçirilib.

Belə ki, paytaxt məktəblərində 20 Yanvar faciəsinin otuz üçüncü ildönümü ilə əlaqədar “Tariximizin şanlı səhifəsi”, “20 Yanvar-Azadlığa gedən yolun zirvəsi”, “Vətən şəhidləri heç vaxt unutmayacaq!”, “20 Yanvar sınağı: azərbaycançılıq  nümunəsi” və digər mövzularda konfrans, seminar, mühazirə və “Dəyirmi masa”lar, bədii qiraət gecələri təşkil edilib.

Şəhidlərin xatirəsinin bir dəqiqəlik sükutla yad edilməsi ilə başlayan tədbirlərdə tarixə qəhrəmanlıq səhifəsi kimi daxil olmuş 1990-cı ilin 20 Yanvar hadisələri barədə geniş söhbət açılıb.

Qeyd olunub ki, 20 Yanvar hadisələri xalqımızın mübarizliyini, əyilməzliyini, məğrurluğunu təcəssüm etdirir. Azərbaycan xalqının tarixinə unudulmaz qəhrəmanlıq səhifəsi kimi yazılan 20 Yanvar faciəsinin təkcə ildönümlərində yox, hər zaman xatırlanması şagirdlərə tövsiyə edilib.

Şagirdlər 20 Yanvara həsr edilmiş şeirlər, bayatılar söyləyib, ədəbi-bədii kompozisiyalar nümayiş etdiriblər.

Təhsil müəssisələrində xalqımızın milli qürur günü ilə bağlı xüsusi dərslər, kitab, foto və rəsm sərgiləri, həmçinin pedaqoji kollektiv və şagirdlərin Şəhidlər xiyabanına ziyarəti təşkil olunub.