Məktəb-Liseydə “Son Zəng” Tədbiri Keçirilib
2025-ci ilin iyun ayının 14-də Məktəb-Liseydə ənənəvi “Son Zəng” tədbiri keçirilib. Tədbirdə məktəbin pedaqoji kollektivi, şagirdlər, valideynlər və qonaqlar iştirak ediblər. Bayram ab-havasında təşkil olunan tədbir Azərbaycanın Dövlət Himninin səsləndirilməsi ilə başlayıb. Daha sonra çıxış edən məktəb rəhbərliyi məzunlara gələcək həyatlarında uğurlar arzulayıb, onlara Vətənə layiqli vətəndaş kimi xidmət etməyi tövsiyə edib. Tədbir şagirdlərin hazırladığı musiqili kompozisiyalar, rəqslər və şeir nümunələri ilə davam edib. Məktəbin məzunları müəllimlərinə təşəkkürlərini bildirərək məktəblə vidalaşmanın sevinc və kədərini bölüşüblər. Sonda simvolik olaraq “Son zəng” səslənib və şagirdlər gələcək arzularını səsləndiriblər.
