“Dünya uşaqların gözü ilə” adlı rəsm müsabiqəsi təşkil olunub
Məktəb-liseyin 3-cü sinif şagirdləri arasında “Dünya uşaqların gözü ilə” adlı rəsm müsabiqəsi təşkil olunub. Müsabiqənin məqsədi uşaqların dünyaya olan baxışlarını, hiss və düşüncələrini rənglər vasitəsilə ifadə etmələrinə şərait yaratmaq, onların estetik zövqünü və yaradıcılıq qabiliyyətini inkişaf etdirməkdir. Şagirdlər müxtəlif texnikalardan istifadə edərək sülh, dostluq, təbiət və gələcəklə bağlı təsəvvürlərini kağız üzərində canlandırıblar. Hər bir rəsmdə uşaqların iç dünyası, rəngarəng düşüncələri və duyğuları əks olunub. Müsabiqəyə təqdim olunan işlər arasında həm məzmun, həm də bədii ifadə baxımından fərqlənən nümunələr xüsusi maraq doğurub. Müsabiqənin yekununda ən yaradıcı və maraqlı rəsmlər münsiflər heyəti tərəfindən seçilərək müəlliflərinə diplom və xatirə hədiyyələri təqdim olunacaq. Bu cür müsabiqələr uşaqların dünyanı necə gördüklərini daha yaxından tanımaq və onları ruhlandırmaq baxımından böyük əhəmiyyət daşıyır.
