Qızıl açar müsabiqəsi qalibi
Gənc musiqi istedadlarını üzə çıxarmaq məqsədilə keçirilən “Qızıl Açar” müsabiqəsində uğurlu çıxışlar qeydə alınıb. Tanınmış musiqi xadimi Namiq Qafarovun təşkilatçılığı ilə baş tutan bu yarışmada müxtəlif yaş qruplarından uşaqlar öz musiqi bacarıqlarını nümayiş etdiriblər. Müsabiqədə qarmon ifaçısı Mürvətov Əli öz bacarığı ilə seçilərək 3-cü yerə layiq görülüb. Onun çıxışı münsiflər heyəti və tamaşaçılar tərəfindən yüksək qiymətləndirilib. Qeyd edək ki, “Qızıl Açar” müsabiqəsi istedadlı uşaqların üzə çıxarılması və onların musiqi inkişafına dəstək olmaq məqsədilə təşkil edilir. Bu cür tədbirlər gənc ifaçıların təcrübə qazanmasına və gələcək karyeralarına mühüm töhfə verir.
