Məktəb-liseydə səhər gimnastikası təşkil edilib
5 Mart – Bədən Tərbiyəsi və İdman Günü münasibətilə məktəb-liseydə səhər gimnastikası təşkil edilib. Şagirdlərin fiziki aktivliyini artırmaq və sağlam həyat tərzini təşviq etmək məqsədilə keçirilən bu tədbirdə müəllimlər və şagirdlər birlikdə müxtəlif idman hərəkətləri icra ediblər. Səhər gimnastikası fiziki sağlamlığı möhkəmləndirməklə yanaşı, şagirdlərə günə enerjili və pozitiv başlamalarına kömək edib. Bu cür tədbirlər uşaqların idmana marağını artırmaq və sağlam həyat tərzini formalaşdırmaq baxımından mühüm rol oynayır. Bədən Tərbiyəsi və İdman Günü münasibətilə bütün idmansevərləri təbrik edir, sağlam və aktiv həyat arzulayırıq!
