Diskussiya xarakterli dəyirmi masa təşkil edilib
“Dahi Azərbaycan şairi Məhəmməd Füzulinin 530 illiyinin qeyd edilməsi haqqında” sərəncamın icrası ilə əlaqədar start verilən “Məhəmməd Füzuli ayı” layihəsi çərçivəsində məktəb-liseyin 8-10-cu sinif şagirdləri arasında diskussiya xarakterli dəyirmi masa təşkil edilib. Dahi şairin qəzəlləri ətrafında maraqlı müzakirələr aparılıb. Layihənin məqsədi şagirdlər arasında milli-mənəvi dəyərləri təbliğ etmək, dahi şairin zəngin ədəbi-bədii irsi ilə bağlı gənc nəsli maarifləndirmək, onların yaradıcılıq, intellektual qabiliyyətlərinin inkişafı üçün şərait yaratmaq, eləcə də gənc istedadları üzə çıxarmaqdan ibarət olub.
