Xocalı faciəsinin 30 illiyinə həsr edilmiş debat
Məktəb-liseyin tarix müəllimi Könül Quliyeva, 8a və 8b sinif şagirdlərinin iştirakı ilə Xocalı soyqırımının 30 illiyinə həsr edilmiş dəyirmi masa təşkil edib. Faciə qurbanlarının xatirəsi bir dəqiqəlik sükutla yad edilib. Slaydlar nümayiş etdirilib, şagirdlərlə diskussiyalar aparılıb. Bir daha tarixin ən dəhşətli genosidlərindən sayılan Xocalı soyqırımı dəhşətləri xatırlanıb və Vətən müharibəsində qələbəmiz həmin insanların narahat ruhlarına da bir rahatlıq gətirib. Biz artıq o insanların ruhunu utanaraq, məğlub xalq kimi deyil, başıuca, qalib xalq kimi anırıq.
