Şahinlərimiz Qələbə tədbirində
. II Dünya Müharibəsində faşizm üzərində Qələbənin 74-cü ildönümü paytaxtımızın mərkəzi rayonu olan Nəsimi rayonunda təntənəli şəkildə qeyd olunmuşdur. Bununla əlaqədar rayonun idarə və təşkilatlarında, ali və orta təhsil müəssisələrində veteranlarla görüşlər, mədəniyyət müəssisələrində tədbirlər təşkil olunmuşdur. Qələbə günü ilə bağlı rayondakı 1941-1945 abidəsinin yerləşdiyi parkda Nəsimi rayon rəhbərliyi, rayon ictimaiyyətinin nümayəndələri, veteranların iştirakı ilə tədbir keçirilmişdir.Tədbirdə liseyimizin “Şahinlər “komandası da iştirak etmişdir.“Şahinlər”in ifasında Azərbaycan Respublikasının Dövlət Himni səsləndirilmiş,bütün rayon məktəblərinin “Şahinlər” komandalarının rəsmi keçidi olmuşdur. Daha sonra 1941-1945 abidəsinin önünə əklil qoyulmuş, rayon rəhbərliyi, veteranlar, şagirdlər, tədbirdə iştirak edən qonaqlar abidənin önünə tər çiçəklər düzmüşlər..
