16 №-li texniki-humanitar lisey

İlaxır çərşənbə həm də Torpaq çərşənbəsi adlanır. Sudan, havadan, günəşdən sonra bar-bəhərin, bərəkətin anası torpaq oyandığından İlaxır çərşənbə bəzi bölgələrimizdə Novruz bayramının özündən daha təntənəli keçirilir. Bu münasibətlə 14.03.2023-cü il tarixdə liseyimizdə "Baharın rəngləri" adlı şənlik keçirildi. Şənlikdə direktor, direktor müavinləri, müəllim heyəti və şagirdlər iştirak ediblər.

10.03.2023 tarixində liseyin Azərbaycan dili və ədəbiyyat müəllimi Elnarə Hacıyeva 6”A” sinfində “Təqvim mifləri” mövzusunda xüsusi dərs keçdi. Mif anlayışı ilə tanış olan uşaqlar, miflərin növləri haqqında məlumatı maraqla dinlədilər. Daha sonra şagirdlər illərə ad qoyulması, Novruz bayramında çərşənbə gecəsi təbiətin yatması, mart ayının necə gah isti, gah soyuq keçməsi haqqında olan mifləri həm özləri səsləndirdilər, həm də müzakirə apardılar. Sonda kitabxana müdiri Rzayeva Samirə şagirdlərlə “Oxu vərdişlərinin artırılması və mütaliənin genişləndirilməsi” başlıqlı sorğu keçirdi. Sorğu zamanı şagirdlər “Mütaliə nədir?”, “Ən son oxuduğunuz kitab hansıdır?” və.s. kimi suallara cavab verdilər.

Liseyimizin direktoru Ülviyə İsmayılova abituriyentlərimizə dəstək xarakterli görüş keçirdərək onlara imtahanda və gələcək həyat yollarında uğurlar arzu etdi. Sonda xatirə fotoları çəkdirdi.#abituriyent #məzun

16 nömrəli Texniki-Humanitar Liseyin psixoloqu Şövkət Quliyeva imtahan öncəsi abituriyentlərdə olan həyəcanı dəf etmək üçün psixoloji seminar keçdi: "Olduqca stressli vəziyyət olan bu vəziyyət insanların fərdi xüsusiyyətinə görə dəyişir. Həyəcan çoxaldıqca stressin səviyyəsi yüksəlir. Bu da orqanizmə və insan psixologiyasına təsirsiz ötüşmür. Bunun üçün artıq son günlərdə kitab-dəftərdən uzaqlaşıb onlara nə yaxşı təsir edirsə onunla məşğul olmağı, həmçinin bu mərhələdə şagirdlərimizə müəllim heyəti və valideyinlər də dəstək olmalıdırlar" deyə fikirlərini bildirdi.#uğurlarolsun

10.03.2023-cü il tarixdə 16 Nömrəli Texniki-Humanitar liseyin şagirdləri Sənaye və İnnovasiyalar üzrə Bakı Dövlət Peşə Təhsil Mərkəzində keçirilən "Açıq qapı" günü tədbirində iştirak etdilər.