10 milyon olduq
Aprelin 7-də Nəsimi Rayonu İcra Hakimiyyəti tərəfindən 10 milyonuncu vətəndaşının dünyaya gəlməsi münasibətilə möhtəşəm tədbir keçirildi.Tədbirdə rayonun 200-dən artıq orta məktəb şagirdləri və gənclərinin iştirakı ilə “10 milyon” fləşmobu nümayiş etdirildi. Liseyin şagirdlərinin də iştirak etdiyi fləşmob gənclərin, məktəblilərin və parkda istirahət edənlərin böyük marağına səbəb oldu. Sonra rəngarəng şarlar havaya buraxıldı. Tanınmış müğənnilər, incəsənət ustaları və rayonda fəaliyyət göstərən 2, 3 və 5 saylı Uşaq Gənclər İnkişaf Mərkəzlərinin rəqs kollektivlərinin çıxışları tamaşaçılar tərəfindən alqışlarla qarşılandı.
