İdman həftəsinə start veriıldi
28 fevral – 4 mart 2022-ci il tarixlərində “5 mart - Bədən Tərbiyəsi və İdman Günü” ərəfəsində liseydə idman həftəsi keçiriləcək. Məqsəd şagirdlərin idmana olan marağının artırılması, sağlam həyat tərzinin təbliğidir. Layihə çərçivəsində tərtib edilmiş proqrama uyğun olaraq məktəblilərin iştirakı ilə gündəlik gimnastik hərəkətlər, maarifləndirmə, görüşlər, müsabiqələr, yarışlar, şagirdlərin mükafatlandırması və digər tədbirlər təşkil ediləcək.
Qeyd edək ki, layihə təhsilalanların sağlamlıqlarının möhkəmləndirilməsi, fiziki inkişafının təmin edilməsi, onlarda müsbət emosiyaların dayanıqlı olması, idman və bədən tərbiyəsinin inkişafı, bu sahədə kütləviliyin təmin edilməsi istiqamətində təhsil sistemi qarşısında qoyulmuş hədəflər baxımından xüsusi əhəmiyyət kəsb edir.İdman həftəsində müxtəlif tədbirlər nəzərdə tutulub .Hər gün səhər gimnastikası ,idman nailiyyətləri olan idmançılarla görüşlər,idman viktorinaları ,qol güləşi,estafet yarışları esse və rəsm müsabiqəsi baş tutacaqdır .
