Şeir müsabiqəsi keçirildi
19.01.2022-ci il tarixində liseydə 20 Yanvar hadisələrinin il dönümünə həsr olunan “Vətənim Azərbaycan” adlı şeir müsabiqəsi keçirildi.Liseyin kitabxana müdiri Samirə Rzayevanın təşkilatçılığı ilə keçirilən müsabiqədə 5-9-cu sinif şagirdləri Vətən tarixinin qanlı səhifəsi hesab edilən, xalqımızın yaddaşından silinməyən, “günəşin doğmadığı gün” adlandırılan 20 Yanvar faciəsinə həsr olunan 30-dan artıq şeir səsləndirildi. Azərbaycan, rus, ingilis dillərində söylənilən şeirlər dinləyiciləri o qara günün kədərinə boğdu.
Şeir müsabiqəsinin 1,2 və 3-cü yerləri məktəb rəhbərliyi və məktəbin Azərbaycan dili və ədəbiyyat müəllimlərindən təşkil olunmuş münsiflər tərəfindən seçildi. Bu yerlərə layiq görülən şagirdlər liseyin direktoru tərəfindən diplomlarla təltif edildi.
