Ordumuza dəstək
Liseyin şagirdləri Milli Ordumuza böyük coşqu ilə dəstək verirlər.Əsgərlərimizə məktublar yazır, yardım edən ailələrə qoşulub öz kiçik payları ilə əsgərlərimizi sevindirmək istəyirlər.Şagirdlər məktublarinda əsgərlərimizın rəşadətindən ,igidliyindən qürur duyduqlarını ,onlara bənzəmək istədiklərini ,mənfur düşmənə tezliklə qalib gəlib ,torpaqlarımızı azad edib qələbə ilə qayıtmalarına böyük inamlarından yazırlar . Balaca vətənpərvərlərimiz bayraqla daxil olduqları sinif otaqlarında müəllimlərdən aldığı dərslərdən,eşitdikləri söhbətlərdən Vətənimizin bugün çox çətin günlər yaşadığını , şərəfli yol keçdiyini ,Azərbaycan əsgərinin şanlı tarix yazdığını anlayırlar.
Əsgərlərimizə yardım hazırlayan ailələrimiz də çoxdur .Onların bu gözəl təşəbbüsünə liseyin 1b sinfi də sinif müəllimi Səbinə Zəkəriyyəyevanın təşkilatçılığı ilə qoşulmuş ,hazırladıqları əsgər sovqatını könüllü yardım aparanlarla cəbhəhə göndərmişdir.
Liseyin müxtəlif sinif şagirdlərindən çoxlu sayda məktublar yığılıb cəbhəyə yola salınıb ,kollektiv üzvləri yaralı əsgərlərimiz üçün qanvermə aksiyalarında iştirak edib. Liseyin şagird və müəllim kollektivi ön cəbhədəki əsgərə dəstək olmaq üçün əlindən gələni etməyə hazırdır ,çünki bugün hamımiz bir nəfər kimi Ali Baş Komandanımızın ətrafında birləşmiş,dövlət -ordu-xalq birliyinin sarsılmaz gücünə və qələbənin çox yaxında olacağına inanırıq.