Mikayıl Müşfiqin ev muzeyinə ekskursiya təşkil edilib
Məktəbimizin bir qrup müəllim kollektivi Xızı rayonunun Sayadlar kəndi yaxınlığında yerləşən nakam şair Mikayıl Müşfiqin Xatirə Muzeyinə ekskursiya ediblər. Bina1992-ci ildə tikilərək, 1mərtəbəli olmaqla 1 otaqdan ibarətdir. Muzeyin həyətində nakam şairin büstü qoyulub. Müəllimlər şairin həyat və yaradıcılığı ilə bağlı olan sənədlərlə, foto-şəkillərlə, portretlər və kitablarla tanış olublar. Ən çox diqqətlərini iki eksponat çəkib. Bunlardan biri Nargin adasından gətirilən torpağın saxlandığı giliz olub. Mikayıl Müşfiq 1938-ci ilin yanvarın 6-da Nargin adasında güllələnərək cəsədi Xəzər dənizinə atılıb. Məzarı olmadığından onun öldürüldüyü ərazidən götürülən bir ovuc torpaq, rəmzi olaraq xatirə muzeyində qorunur. Bu eksponat 2008-də ildə general-mayor Aydın Qasımov tərəfindən muzeyə hədiyyə olunub. Digər eksponat isə şairin ölüm hökmü və həbsinə dair sənəd olub. Müəllimlər muzeyi ekskursiya etdikdən sonra, sonda xatirə şəkilləri çəkiblər.
