“Vətən” idman liseyi publik hüquqi şəxs

• Tərminə Əsədova Ağəli
• Vəzifə: Direktor
• Fənn: İbtidai təhsil
• Bitirdiyi təhsil müəssisəsi: ADPU
• Təvəllüd: 03.04.1961
• İlk fəaliyyət ili: 19.11.1978
• E-mail: [email protected]

Təvəllüdü - 03.04.1961-ci il. Təhsili - Ali - ADPU - ibtidai sinif müəllimi. Pedaqoji fəaliyyəti -1997-ci ildən 2002-ci ilədək 162 nömrəli tam orta məktəbdə, 2002-ci ildən 2012-ci ilədək 49 nömrəli “ İntellekt məktəb”- liseydə ibtidai sinif müəllimi işləmişdir. 2011-ci ildə Azərbaycan Respublikasının Təhsil Nazirliyinin 03.05. 2011-ci il tarixli 717 №li əmri ilə 4-cü sinif dərslik komplektləri üzrə qiymətləndirməyə cəlb olunmuş ekspert müəllim kimi 4-cü sinif dərslik komplektlərinin qiymətləndirilməsində iştirak etmişdir. 2012-ci ildə Azərbaycan Respublikasının Təhsil Nazirliyi tərəfindən keçirilən “Ən yaxşı müəllim” müsabiqəsinin qalibi adına layiq görülərək mükafatlandırılmışdır. Elə həmin il Səbail rayonu Badamdar qəsəbəsində inşa olunmuş 329 № li tam orta məktəbə direktor vəzifəsinə təyin olunmuşdur. 2013-cü ildə Azərbaycan Respublikasının Təhsil Nazirliyi tərəfindən keçirilən “ Ən yaxşı müəllim” müsabiqəsi iştirakçılarının sınaq dərslərini qiymətləndirən ekspert qrupuna (Təhsil Nazirliyinin 46-14-1724/16 nömrəli 06.03.2013-cü il tarixli məktubuna əsasən) üzv seçilmiş və sınaq dərslərinin qiymətləndirməsində iştirak etmişdir. 2014-cü il noyabr-2015-ci il mart aylarında Xəzər Universitetində “Potensial Məktəb Direktorları” təlim kursunu bitirərək müvafiq sertifikat almışdır. 2017-ci ilin sentyabr ayından etibarən yerdəyişmə (ratasiya) əsasında Binəqədi rayonu 126 № li tam orta məktəbə direktor vəzifəsinə təyin olunmuşdur. 2022-ci ildən etidarən 126 № li tam orta məktəbin bazasında yaradılmış “Vətən İdman Liseyi” PHŞ-nin direktoru vəzifəsində çalışır. Azərbaycan dilini və rus dilini bilir. Ailəlidir, iki övladı var.

• Səidə Əhmədova Ələskər
• Vəzifə: Direktor müavini
• Fənn: Azərbaycan dili, Ədəbiyyat
• Bitirdiyi təhsil müəssisəsi: BDU
• Təvəllüd: 13.10.1973
• İlk fəaliyyət ili: 15.01.2002
• E-mail: [email protected]

Əhmədova Səidə Ələsgər qızı 1973-cü il oktyabr ayının 13-də Füzuli rayonunun Horadiz qəsəbəsində anadan olub. 1981-ci ildə Horadiz qəsəbəsində 1 nömrəli tam orta məktəbi əla qiymətlərlə başa vurub. 1991 ildə Bakı Dövlət Univerisitetinin şərqşünaslıq fakültəsinə daxil olub. 1996-cı ildə həmin universitetin şərqşünaslıq fakültəsini filoloq, türk dili və ədəbiyyatı müəllimi ixtisası üzrə müvəffəqiyyətlə başa vurub. “Ümumtəhsil məktəblərində ədəbiyyatın tədrisində kompüterdən istifadə” mövzusunda dissertasiya işi müdafiə edərək, 2010-cu il oktyabr ayının 12-də Ali Attestasiya Komisiyasının 32 nömrəli qərarı ilə pedaqoqika üzrə Fəlsəfə doktoru alimlik dərəcəsini almışdır. 2002-ci ildən 2013-cü ilədək Azərbaycan Respublikası Təhsil Nazirliyinin Təhsil Problemləri İnistitutunda İnformasiya və komunikasiya texnologiyalar şöbəsində aparıcı elmi işçi vəzifəsində işləyib. 2013-cü ildən Binəqədi rayonu Tərlan Heybətov adına 126 nömrəli tam orta məktəbdə tərbiyə işləri üzrə direktor müavini vəzifəsində işləyir. 2014-cü ildə Yeni Azərbaycan Partiyası Binəqədi rayon təşkilatının ictimai-siyasi həyatında fəal iştirakına görə fəxri fərmanla təltif olunub. Eyni zamanda gənc nəslin təlim-tərbiyəsində fəal iştirakina görə Gənclər və İdman idarəsinin Fəxri fərmanı ilə təltif olunub. 2012-2015-ci illərdə İKT-nin tədris prosesinə tətbiqi sahəsində həyata keçrilən təlimlərin təşkili və məzmunu üzrə məsləhətçi qismində fəaliyyət göstərib. Təhsil prosesində uşaqlara şəxsiyyətyönümlü-humanist yanaşmanın əsasları mövzusunda beynəlxalq seminarın fəal iştirakçısı olmuşdur. Ailəlidir, iki övladı var.

Əlaqəli xəbərlər
“5 mart - Bədən Tərbiyəsi və İdman Günü” ərəfəsində tətbiq edilən “İdman həftəsi” layihəsinin fəal iştirakçıları dəyərləndirildi.
“İrəvan Müəllimlər Seminariyasının milli təhsil tariximizdə yeri və rolu” mövzusunda dəyirmi masa keçirildi
"Sönməyən ulduzlar" adlı tədbir keçirildi
Zəfər bayramının 1-ci ildönümü ilə əlaqədar və Şəhidlərimizin əziz xatirəsinə həsr edilmiş dama yarışı keçirildi.
Məktəb rəhbərliyi valideynlərlə onlayın görüş keçirdi

• Əbdülqədir Bədəlov Bədəl
• Vəzifə: Çağırışaqədərki hazırlıq rəhbəri
• Fənn: Fiziki tərbiyə, Gənclərin çağırışaqədərki hazırlığı
• Bitirdiyi təhsil müəssisəsi: Azərbaycan Dövlət Pedaqoji Universiteti
• Təvəllüd: 07.04.1969
• İlk fəaliyyət ili: 01.12.1994
• E-mail: [email protected]

Bədəlov Əbdülqədir Bədəl oğlu 1969-cu il aprelin 07-də Cəbrayıl rayonu G. Veysəlli kəndində anadan olub.1976-cı ildə Cəbrayıl rayonu G.Veysəlli kənd natamam orta məktəbinin 1-ci sinifinə qəbul olub. Həmin məktəbin 8-ci sinifini bitirdikdən sonra Soltanlı kəndi Dirili Qurbani adına orta məktəbin 9-cu sinifinə qəbul olub. 1986-cı ildə həmin məktəbin 10-cu sinifinibitirib. 1987-1989-cu illərdə Ukrainada Hərbi xidmət borcunu yerinə yetirib. 1989-cu ildə N.Tusi adına Azərbaycan Dövlət Pedaqoji Universitetinə daxil olmuşdur. 1992-ci ildə Qarabağ uğurunda gedən döyüşlərdə iştirak edib. 1993-cü ildə Azərbaycan Dövlət Pedaqoji Universiteti bitirib. 1994-1997- illərdə Binəqədi rayonu 157 nömrəli tam orta məktəbində Hərbi rəhbər vəzifəsində müəllim işləmiş. 1997-ci ildə öz xahişi ilə işdən azad olmuş. 1998-ci ildə Binəqədi rayonu 103 nömrəli məktəbdə Hərbi hazırlıq müəllimi işləmişdir.2004-cü ildən köçürülmə yolu ilə Binəqədi rayonu T.Heybətov adına 126 nömrəli tam orta məktəbində ibtidai hərbi hazırlıq müəllimi illəyir. Evlidir 2 övladı var.

• Əfayə Əhmədova Mustafa
• Vəzifə: Kitabxana müdiri
• Fənn: —
• Bitirdiyi təhsil müəssisəsi: Azərbaycan Dövlət Universiteti
• Təvəllüd: 21.09.1959
• İlk fəaliyyət ili: 10.11.1976
• E-mail: [email protected]

Əhmədova Əfayə Mustafa qızı 1959-cu il sentyabr ayının 21-də Ucar rayonunun Yuxarı Şilyan kəndində anadan olub. 1966-cı ildə Yuxarı Şilyan kənd orta məktəbinin 1-ci sinfinə daxil olub, 1976-cı ildə həmin məktədi bitirib. 1977-ci ildə S.M.Kirov adına ADU-nun kitabxanaçılıq fakültəsinə qəbul olub. 1982-ci ildə ali təhsilini bitirib. 1976-cı il noyabr ayından axşam şöbəsində oxumağı ilə əlaqədar olaraq Volodarski adına tikiş fabrikində işə qəbul olub. 1989-cu ilin may ayına kimi həmin fabrikdə tikişçi vəzifəsində işləyib.17.06.1991-ci ildən Bakı şəhəri Binəqədi rayonu 126 nömrəli məktəbdə Kitabxana müdiri vəzifəsində işləyir. Ailəlidir 3 övladı var.