126 №-li tam orta məktəb

Heybətov Tərlan Şükür oğlu

(1968-1992)

Tərlan Şükür oğlu Heybətov 1968-ci il avqustun 25- də Bakı şəhərində, ziyalı ailəsində anadan olmuşdur. O, 1975-ci İldə Binəqədi rayonunun 126 nömrəli orta məktəbə daxil olaraq, 1985-ci ildə məktəbi əla və yaxşı qiymətlərlə başa vurmuşdur.

Məktəbdə oxuduğu müddətdə fizika, riyaziyyat və ədəbiyyata meyl göstərmiş, fizika və riyaziyyat üzrə keçirilən olimpiadaların iştirakçısı kimi müxtəlif diplomlara layiq görülmüşdür. Tərlan öz ağlı, biliyi və istedadı ilə hamının rəğbətni qazanmışdı. 1990-cı ilin yanvarın 20-də Sovet Ordusunun Hissələri Bakıya hücuma keçərkən Tərlan özü vətənpərvər oğullarla birlikdə tankların qarşısına çıxmışdı. Təsadüf nəticəsində həmin gecə O sağ qalmışdı. Lakin gecə-gündüz rahatlıq tapmayan igid Tərlan 1991-ci ilin sentyabrında “Qarabağ Könüllü Müdafiə” dəstəsinə yazıldı. Şuşanın müdafiəsində igidliklə vuruşmuşdu. Qırxa yaxın erməni quldurunu tələf edərkən 1992-ci il martın 30-da qəhrəmancasına şəhid olub. 126 nömrəli məktəb 2002-ci ildən T.Heybətovun adını daşıyır.