20 yanvar Şəhidlər günü
Nizami rayonu, K.Əyyubov adına 12N-li tam orta məktəb Ümumxalq hüzn günü –“20 yanvar Şəhidlər günü”nü qeyd etdi. 19 yanvar 2016 –cı il tarixində ilk dərs 20 yanvar – Şəhidlər gününə həsr edildi.Bu münasibətlə siniflər tərəfindən divar qəzetləri buraxıldı.19 yanvar 2016-cı il tarixində şagirdlərin qəbulu zamanı bir dəqiqəlik sükutla Şəhidlərin əziz xatirəsi yad edildi. IX-XI siniflər arasında “Milli qəhrəmanlarımız and yerimizdir”mövzusunda inşa, IV-V siniflər arasında asfalt üzərində “Şəhidlər unudulmur” mövzusunda rəsm müsabiqəsi keçirildi. Ayrı-ayrı siniflərin iştirakı ilə “Şəhidlər xiyabanına” ziyarət təşkil edildi. Məktəb üzrə Şəhidlərin əziz xatirəsinə həsr edilmiş iməclik keçirildi. "3 a" və "4 ç" sinif şagirdlərinin iştirakı ilə məktəbin ilk şəhidi K.Əyyubovun büstü önündə 20 Yanvar Şəhidlər günü qeyd edildi.Tədbir məktəbin direktoru Ə.Alıyev, təşkilatçı Q.Bağıyeva ibtidai siniflər üzrə dərs hissə müdiri D.Məmmədova iştirak etdilər. Şagirdlər şəhidlərə həsr edilmiş şeirlər və bayatılar söylədilər. Tədbirin sonunda məktəbin direktoru çıxış edərək, Şəhidlərimiz haqqında geniş məlumat verərək, şagirdlərə vətəni sevməyi,torpaq və Vətən uğrunda canlarından keçən oğul və qızlarımızı unutmamağı,təhsildə daha fəal,dərsləri daha yaxşı oxumağı onlara tövsiyə etdi. Sonda şagirdlər əllərində tutduqları tər qərənfilləri şəhid büstü önünə düzdülər.
