12 №-Lİ TAM ORTA MƏKTƏB

• Kamran İsalı Buludxan
• Vəzifə: Direktor
• Fənn: Riyaziyyat
• Bitirdiyi təhsil müəssisəsi: Azərbaycan Dövlət Pedaqoji Universiteti
• Təvəllüd: 04.11.1989
• İlk fəaliyyət ili: 15.09.2012
• E-mail: —

Kamran Buludxan oğlu İsalı - 4 noyabr 1989-cu ildə Yardımlı rayonunun Gavran kəndində anadan olub. 2007-ci ildə Fizika, riyaziyyat və informatika təmayüllü liseyi bitirib. 2011-ci ildə Azərbaycan Dövlət Pedaqoji Universitetini Təhsilin təşkili və idarə olunması ixtisası üzrə başa vurub. Həmçinin Azərbaycan Dövlət Pedaqoji Universitetində Riyaziyyat və informatika fakültəsinin riyaziyyat müəllimliyi ixtisası üzrə təhsil alıb. 2012-2017-ci illərdə Bakı şəhər R.Baxışov adına 218 nömrəli tam orta məktəbdə Təlim-tərbiyə işləri üzrə direktor müavini vəzifəsində çalışıb. 2014-2015-ci tədris ilində Azərbaycan Dövlət İqtisad Universiteti və Təhsil Nazirliyinin birgə təşkil etdiyi məktəb direktorlarının hazırlığı kursunu müvəffəqiyyətlə bitirərək "Uğur sertifikatı"na layiq görülüb. 2017 -ci ilin sentyabr ayında Avropa Birliyinin "TAİEX workshop and school management" seminarı və müxtəlif beynəlxalq təcrübə proqramlarının iştirakçısı olub. 2017-2022-ci illərdə Bakı şəhəri, Xəzər rayonu, Zirə qəsəbəsi Nüsrət Yaqubov adına 120 nömrəli tam orta məktəbdə direktor vəzifəsində çalışıb. 15.09.2022-ci il tarixindən Elm və Təhsil nazirinin müvafiq əmrinə əsasən, Bakı şəhəri, Nizami rayonu K.Əyyubov adına 12 nömrəli tam orta məktəbin direktoru vəzifəsində fəaliyyət göstərir.Ailəlidir.

• Şəfiqə Əlizadə İsa
• Vəzifə: Təlim-tərbiyə işləri üzrə direktor müavini
• Fənn: Cəbr, Həndəsə, Riyaziyyat
• Bitirdiyi təhsil müəssisəsi: Azərbaycan Dövlət Pedaqoji Universiteti
• Təvəllüd: 10.09.1962
• İlk fəaliyyət ili: 25.09.1989
• E-mail: [email protected]

Şəfiqə İsa qızı Əlizadə -1962-ci ildə Bakıda anadan olub. 1982-1986-cı illərdə N.Tusi adına Azərbaycan Dövlət Pedaqoji İnstitutunda təhsil alıb. Əmək fəaliyyətinə 1986-cı ildə Qubadlı rayon Çaytumas kənd orta məktəbində müəllim kimi başlayıb.1989-cu ildən Nizami rayonu 12 nömrəli tam orta məktəbində müəllim, 2018-ci ildən isə təlim-tərbiyə işləri üzrə direktor müavini vəzifəsində çalışır. Ailəlidir, bir övladı var.

• Anar Miriyev Həsənağa
• Vəzifə: Məktəbdənkənar və sinifdənxaric tərbiyə işi üzrə təşkilatçı
• Fənn: Həyat bilgisi
• Bitirdiyi təhsil müəssisəsi: Azərbaycan Dövlət Pedaqoji Universiteti
• Təvəllüd: 22.11.1989
• İlk fəaliyyət ili: 08.04.2015
• E-mail: [email protected]

Anar Həsənağa oğlu Miriyev - 1989-cu ildə Bakıda anadan olub. 2007-2011-ci illərdə Azərbaycan Dövlət Pedaqoji Universitetində Təhsilin təşkili və idarə olunması ixtisası üzrə təhsil alıb. Əmək fəaliyyətinə 2015-ci ildə Nizami rayonu 32 nömrəli tam orta məktəbdə laborant vəzifəsi ilə başlayıb. 2018-ci ildə Sabunçu rayonu 72 nömrəli məktəb-liseydə uşaq birliyi təşkilatı rəhbəri (UBTR) vəzifəsində çalışıb. 2019-cu il tarixindən Nizami rayonu 12 nömrəli tam orta məktəbdə uşaqlarla məktəbənkənar və sinifdənxaric tərbiyə işləri üzrə direktor müavini (təşkilatçı) vəzifəsini icra edir. 2021-ci ildə gənc nəslin təlim-tərbiyəsi sahəsində yüksək nailiyyətlər əldə etdiyinə görə və 5 Oktyabr Müəllimlər Günü münasibətilə Azərbaycan Respublikası elm və təhsil naziri tərəfindən Fəxri Fərmanla təltif olunub. Vətən Müharibəsinin iştirakçısıdır.

• Ətlas Rəhimova Şirin
• Vəzifə: Uşaq birliyi rəhbəri
• Fənn: —
• Bitirdiyi təhsil müəssisəsi: Şuşa Mədəni - maarif texnikumu
• Təvəllüd: 07.01.1968
• İlk fəaliyyət ili: 23.11.1994
• E-mail: [email protected]

Rəhimova Ətlas Şirin qızı 7 yanvar 1968-ci ildə Ağdamın Çıraqlı kəndində anadan olmuşdur. 1991-ci ildə Şuşa Mədəni - maarif texnikumunun "Kitabxana işi" ixtisasını, 2012-ci ildə isə Respublika Uşaq Birliyi Təşkilatı Rəhbərləri məktəbinin "Uşaq Birliyi Təşkilatı Rəhbəri" ixtisasını bitirib. Əmək fəaliyyətinə 1994-cü il tarixdən Nizami rayonu 12 nömrəli tam orta məktəbdə Uşaq Birliyi Təşkilatı Rəhbəri vəzifəsində çalışır. Ailəlidir, iki övladı var

Əlaqəli xəbərlər
“Mənəvi dəyərlərimiz məktəblilərin gözü ilə” inşa yazı müsabiqəsi
Xarici ölkələrin aparıcı ali məktəblərinə xüsusi proqramla qəbul olunan məzunlarımız
Fərqlənən məzunlarımız

• Natəvan İsgəndərova Zakir
• Vəzifə: Kitabxana müdiri
• Fənn: —
• Bitirdiyi təhsil müəssisəsi: Bakı Dövlət Universiteti
• Təvəllüd: 23.06.1972
• İlk fəaliyyət ili: 10.09.1999
• E-mail: [email protected]

İsgəndərova Natəvan Zakir qızı - 23 İyun 1972-ci ildə Gədəbəy rayonunda anadan olub. 1993-1997-ci illərdə Bakı Dövlət Universitetinin "Kitabxanaşünaslıq" ixtisası üzrə təhsil alıb. Əmək fəaliyyətinə 1991-ci ildə Şəmkir Tikiş Fabrikində tikişçi vəzifəsində başlayıb. 1997-1991-cu illərdə Səbail rayonu 91 nömrəli tam orta məktəbdə uşaq birliyi vəzifəsində işləyib. 1999-cu ildən etibarən Nizami rayonu 12 nömrəli tam orta məktəbdə kitabxana müdiri vəzifəsində çalışır. Ailəlidir, 2 övladı var.

• Gülər Vəliyeva Şahlar
• Vəzifə: Kitabxanaçı
• Fənn: —
• Bitirdiyi təhsil müəssisəsi: Bakı Dövlət Universiteti
• Təvəllüd: 25.05.1980
• İlk fəaliyyət ili: 01.02.2023
• E-mail: [email protected]

Vəliyeva Gülər Şahlar qızı 1980-ci ildə Bakı şəhərində anadan olub. 1997-ci ildə Bakı Dövlət Universitetinin "Kitabşünaslıq və biblioqrafiya" ixtisasına daxil olub, 2002-ci il tarixində oranı bitirib. Əmək fəaliyyətinə 1998-ci il tarixindən "SOCAR" Azneft İstehsalat Birliyi "Azərdənizneftinşaat" trestinin Mənzil Kommunal İdarəsində müfəttiş vəzifəsində başlayıb və 2014-cü ilə qədər "SOCAR"ın MKK-sında çalışıb. 1 Fevral 2023-cü il tarixindən Nizami rayonu 12 nömrəli tam orta məktəbdə kitabxanaçı vəzifəsində çalışır. Ailəlidir, iki övladı var.

• Nigar Kazımlı İlham
• Vəzifə: Məktəb psixoloqu
• Fənn: —
• Bitirdiyi təhsil müəssisəsi: Bakı Dövlət Universiteti
• Təvəllüd: 10.04.1994
• İlk fəaliyyət ili: 04.05.2022
• E-mail: [email protected]

Babayeva Nigar İlham qızı 1994-cü ildə İsmayıllı rayonunda anadan olub. 2011-ci ildə Bakı Qızlar Universitetinin "Psixologiya" ixtisasına daxil olub, 2015-ci il tarixində oranı bitirib. Həmin ildə Bakı Dövlət Universitetinin magistr pilləsinə "Ümumi psixologiya" ixtisasına qəbul olmuşdur. Əmək fəaliyyətinə 2017-ci il tarixindən "Logo Center" Psixologiya və Nitq mərkəzində başlayıb. Hazırda Nizami rayonu 12 nömrəli tam orta məktəbdə psixoloq vəzifəsində çalışır. Eyni zamanda BDU-nun "Sosial elmlər və psixologiya" fakultəsində saat hesabı dərs deyir. Ailəlidir, bir övladı var.

• Bəylər Kərimov Yaşar
• Vəzifə: Çağırışaqədərki hazırlıq rəhbəri
• Fənn: Fiziki tərbiyə, Gənclərin çağırışaqədərki hazırlığı
• Bitirdiyi təhsil müəssisəsi: Azərbaycan Dövlət Pedaqoji Universiteti
• Təvəllüd: 02.12.1979
• İlk fəaliyyət ili: 01.03.2004
• E-mail: [email protected]

Kərimov Bəylər Yaşar oğlu 2 dekabr 1979-cu ildə anadan olub. 1996-2000-ci illərdə Azərbaycan Dövlət Pedaqoji Universitetində "İbtidai hərbi və fiziki təlim" ixtisası üzrə təhsil alıb. Əmək fəaliyyətinə 2004-cü ildə Nizami rayonu 12 nömrəli tam orta məktəbdə Hərbi rəhbər vəzifəsində başlayıb. Hazırda həmin vəzifənin icrasını davam etdirir. Ailəlidir, 2 övladı var.