115 №-li tam orta məktəb

Azərbaycan Beynəlxalq Karyera sərgisi115 №-li tam orta məktəbin şagirdləri Bakı Ekspo Mərkəzində keçirilən 11-ci Azərbaycan Beynəlxalq Karyera sərgisində iştirak etmişdilər. Sərgidə nümayiş olunan Təsillə bağlı yeni texnologiyalar, yeni nailiyyətlər sərgidə iştirak edən şagirdlərin marağına səbəb olunmuşdur.

Korifey müəllim115 №-li tam orta məktəbin müəllimləri illər öncə Azərbaycan dilinin şirinliyini, Ədəbiyyatımızın sirrlərini şagirdlərə sevə-sevə öyrədən, gənc nəslin təlim tərbiyəsində əvəzsiz xidmətləri olan Nəcəfova Əminə müəllimənin ziyarətinə getmişdilər. Korifey müəllim öz şirin xatirələrini gənc müəllimlər ilə bölüşmüş, gələcək işlərində onlara uğurlar arzulamışdır.

Beynəlxalq Müəllimlər GünüHər il oktyabrın 5-i bütün dünyada Müəllim Günü kimi qeyd olunur. Bu gün müəllimlər öz peşə bayramlarını keçirirlər. Hər kəs özünün ibtidai məktəbdə, birinci sinifdə oxuduğu illəri xoş xatirə kimi anır və bu xatirələrdə ən əziz yeri, əlbəttə ki, ona sevgi və qayğı ilə qələm tutmağı, yazı yazmağı, kitab oxumağı öyrədən müəllim tutur. Müəllimlik dünyada ən çətin, eyni zamanda ən şərəfli və ən gözəl peşədir. Bu gözəl və şərəfli işin dəyərini bilən əcdadlarımız həmişə müəllimə hörmətlə yanaşmışlar. Müəllim əməyinin nəticəsində cəmiyyət formalaşır, savadlı, bilikli, geniş dünyagörüşlü, nümunəvi əxlaqa malik insanlar yetişir. Bu insanlar isə cəmiyyəti daha da inkişaf etdirir. Hazırda dövlətimizin müstəqilliyinin möhkəmlənməsində fəal iştirak edən insanlar məhz müəllim əməyinin yetirmələridir.