"Narkotiklərin insan həyatına təsiri" mövzusunda söhbət
22 noyabr tarixində məktəbdə Sabunçu rayon 14-cü Polis bölməsinin əməkdaşları mayor Əli Babayev və Uşaq və yeniyetmələrlə iş üzrə baş inspektor Rafiq İsmayılov IX- XI sinif şagirdləri ilə "Narkotiklərin insan həyatına mənfi təsiri " mövzusunda söhbət apardılar. Əli Babayev çıxışında narkotiklərin insan həyatına təsiri, ətrafa vurduğu ziyanlardan danışdı. O, qeyd etdi ki, statistikaya əsasən narkotiklərdən istifadə edilməsi gənclər arasında yayılmasının qarşısını almaqdan ötrü yeniyetmə və gənclər arasında məlumatlandırma işlərinin apparılması ən vacib məsələlərdən biridir. Şagirdlərə göstərilən videoçarxda narkotiklərin insanın həyatını necə məhv etməsi, orqanizmin hansı sahələrinə daha çox təsir göstərməsi barədə məlumatlar verildi. Şagirdlərə əsrimzin qorxunc bəlası olan narkotiklərdən, tanımadığınız adamlardan heç nə almamaq tövsiyyə olundu. Tədbirdə məktəbin direktoru Məmmədova Esmira, psixoloq Bayramova Tükəzban, X sinfin sinif rəhbəri Əliyev Eşqin də iştirak edirdi.
