"Kiçik Akademiya"nın növbəti iclası keçirildi
Məktəbdə təşkil olunmuş "Kiçik Akademiya"nın növbəti iclası keçirildi. Akademiyanın üzvləri VII "C" sinif şagirdləri Canbazova Rübabə "Misir dövləti" barədə və Mütəllimzadə Kübra isə "Hindistan tarixi və mədəniyyəti " barəsində tarix fənni üzrə təqdimatlarını təqdim etdi. Hər iki şagird söhbət açdıqları dövlətlərin yaranma tarixindən bu günə qədər keçdikləri yoldan danışdılar. Biologiya fənni üzrə isə məktəbin VII "A" sinif şagirdləri Şahverənli Həsən "Xəstəliktörədən mikroorqanizmlərin müxtəlifliyi" mövzusunda, Abbasova Samirə isə "Bağırsaqboşluqlular tipi və onun Azərbaycanda yayılması" mövzusunda təqdimat etdilər. Hər bir şagirdimizə fəaliyyətlərində müvəffəqiyyət arzu edir, uğurlarının bol olmasını diləyirik.
